13 февраля 2012 — 10:00
763 звароты грамадзян зарэгістраваны за мінулы год у раённым і сельскіх выканаўчых камітэтах, паведаміла загадчыца сектара па зваротах грамадзян і юрыдычных асобаў райвыканкама Алена Мікалаеўна Сікор.
Каля 55 працэнтаў усіх зваротаў зарэгістравана ў час правядзення прыёмаў грамадзян па асабістых пытаннях старшынёй раённага выканаўчага камітэта і яго намеснікамі. Просьбы і пажаданні выказваліся пераважна ў вуснай форме, асабліва ў сельскай мясцовасці: з 470 зваротаў, зарэгістраваных у сельвыканкамах, 441 -- у вуснай форме. Сітуацыя ў райвыканкаме крыху іншая: зарэгістравана 133 пісьмовыя і 160 вусных зваротаў грамадзян.
Найбольш хвалюючымі жыхароў раёна застаюцца пытанні землекарыстання, рамонту дахаў, добраўпарадкавання дваровых тэрыторый, водазабеспячэння, га-зіфікацыі, капітальнага рамонту вуліц. Ад грамадзян паступалі звароты аб прадастаўленні аднаразовай бязвыплатнай субсідыі на паляпшэнне жыллёвых умоў, аказання матэрыяльнай дапамогі. Жыхары райцэнтра прасілі аказаць садзеянне ў стварэнні бяспечных умоў для пераходу дзяцей у гарадскія сярэднія школы №2 і №5 праз вуліцу Будаўнікоў (на ўказаным участку ўстаноўлены адпаведныя знакі і добраўпарадкаваны падыход да пешаходнага пераходу каля дома №17 па вуліцы Будаўнікоў).
Жыхары вёскі Дубна заклапочаны падмывам ракой Нёман берагавой тэрыторыі. Па хадайніцтву райвыканкама ў Праграме фінансавання будаўніцтва аб’ектаў Гродзенскай вобласці прадугледжана выдзяленне грашовых сродкаў для адсялення жыхароў вёскі Дубна з небяспечнай берагавой зоны.
З 23 студзеня бягучага года ўступіў у сілу закон “Аб зваротах грамадзян і юрыдычных асобаў”. Асноўнае яго новаўвядзенне - рэгламентацыя парадку і тэрмінаў разгляду электронных зваротаў. “Работа з электроннымі зваротамі не з’яўляецца для нашых спецыялістаў новай, - расказала А.М. Сікор. – У мінулым годзе да нас ужо паступалі тры такія звароты. Усе яны разгледжаны, на кожны з іх дадзены кампетэнтны адказ. Сёлета да нас таксама паступіў адзін электронны зварот, які датычыўся рэгістрацыі шлюбу.”
Каменціруючы новы закон, Алена Мікалаеўна Сікор адзначыла, што ён робіць працэс звароту ў дзярж-органы максімальна камфортным для насельніцтва. Грамадзяне могуць вырашаць свае праблемы, не выходзячы з дому, і адначасова быць упэўненымі ў тым, што іх пытанне будзе належным чынам разгледжана. Самы просты спосаб даслаць электронны зварот – праз афіцыйны сайт Мастоўскага райвыканкама.
А. ШВЯДКО
Перепечатка материалов допускается с письменного разрешения «учреждение «Редакция газеты «Зара над Нёманам».
Назад