12 января 2019 — 18:14
У шосты школьны дзень на пляцоўцы перад будынкам Мастоўскага раённага цэнтра творчасці дзяцей і моладзі была арганізавана арт-майстэрня “Зімовыя фарбы Гродзеншчыны”.
У цікавым мерапрыемстве прынялі ўдзел гарадскія школьнікі, а таксама вучні з Правамастоўскай, Гудзевіцкай і іншых сельскіх школ.
-Мы падрыхтавалі гэтае мерапрыемства так, каб рабятам было цікава, каб яны паспаборнічалі на свежым паветры, праявілі свае здольнасці, даведаліся пра нешта карыснае,- расказвае загадчыца спартыўна-турыстычнага аддзела Наталья Радкевіч.- Дзеці здзейснілі падарожжа ў казачны лес, каб павіншаваць з Новым годам звяроў, даставіць ім пасылку з пачастункамі. Але зрабіць усё гэта мяшала паласа перашкод, якую маглі пераадолець першымі самыя ўмелыя і здольныя. У падарожжа рабят вадзілі і ва ўсім дапамагалі Дзед Мароз і Снягурачка.
Ну а потым усе разам з чысцюткага мяккага снегу ляпілі і афарбоўвалі казачных герояў. Вось дзе было раздолле дзіцячай фантазіі. А колькі было радасці і смеху!
Супрацоунікі цэнтра на чале з намеснікам дырэктара па вучэбна-выхаваўчай рабоце Аленай Касьяновіч дапамагалі удзельнікам спаборніцтваў, частавалі рабят гарачай кавай з пячэннем і цукеркамі.
Пераможцамі выйшлі каманды трэцяй гарадской і Гудзевіцкай сярэдняй школ.
Мерапрыемства “Зімовыя фарбы Гродзеншчыны” прайшло і ў іншых гарадскіх школах. У другой гарадской, пятай школах, а таксама гімназіі №1 акрамя снегавікоў, сімвала года – Свінкі, рабяты змаглі намаляваць цэлыя снежныя пано. Мастаўчане потым з цікавасцю разглядалі іх. А на школьным двары СШ №3 з”явіўся ланцуг любімых дзецьмі казачных персанажаў. Рабяты самі іх зрабілі, самі і сфатаграфаліся побач. З кожным годам зімовая творчасць рабят становіцца усё больш разнастайнай.
С.ЗВЯРОВІЧ
Фото аўтара і Ю.Райдзюк
Перепечатка материалов допускается с письменного разрешения «учреждение «Редакция газеты «Зара над Нёманам».
Назад