22 февраля 2021 — 10:30
У нашай школе з 15.02.2021 г. па 19.02. 2021года прайшоў Тыдзень беларускай мовы. Вучні пачатковых класаў сталі яго актыўнымі ўдзельнікамі.
У першы дзень Тыдня прайшоў конкурс чытальнікаў вершаў на беларускай мове “Я роднай мовай даражу”. Вучні з захапленнем чыталі вершы беларускіх пісьменнікаў аб роднай мове, аб Радзіме. Усе удзельнікі конкурсу атрымалі дыпломы, а пераможцамі сталі Дар’я Дубатоўка – вучаніца 1 класа; Дар’я Дубатоўка – вучаніца 2 класа; Сафія Майсюк – вучаніца 3 класа і Анастасія Майсюк – вучаніца 4 класа.
У другі дзень Тыдня рабяты наведалі школьную бібліятэку, дзе загадчык бібліятэкі Пачабыт Марына Віктараўна пазнаёміла з кніжнай выставай, прысвечанай 100-годдзю з дня нараджэння беларускіх майстроў слова Івана Мележа і Івана Шамякіна. Вучні з цікавасцю слухалі і чыталі творы гэтых пісьменнікаў.
17 лютага ўсе жадаючыя змаглі наведаць школьны тэатр, у якім навучэнцы 1-4 класаў праінсцэніравалі творы беларускіх пісьменнікаў. Рабяты з вялікай адказнасцю падышлі да гэтага мерапрыемства. Яны не толькі падрыхтавалі творы, але і маляўнічыя касцюмы, і дэкарацыю. Настрой і смех выклікала байка К.Крапівы “Дзед і баба”, якую інсцэніравалі вучні 3 класа Станіслаў Біч, Мікалай Руль і Сафія Майсюк.
Свае творчыя здольнасці рабяты змаглі праявіць у конкурсе малюнкаў да твораў беларускіх пісьменнікаў. Усе работы юных мастакоў былі размешчаны ў школьнай галерэі, а ўдзельнікі конкуруа атрымалі невялікія памятныя сувеніры. У школе прайшла акцыя “Гавары са мной па-беларуску”. У рамках гэтай акцыі настаўнікі, вучні і работнікі ўстановы адукацыі не толькі размаўлялі на роднай беларускай мове, але ў сваіх зносінах выкарыстоўвалі беларускія прыказкі і прымаўкі.
Свята атрымалася на славу і прынесла задавальненне не толькі дзецям, але і дарослым.
Святлана Хурса,
настаўнік пачатковых класаў.
ДУА “Мілявіцкі ВПК д/с-СШ”
Мастоўскага раёна
Перепечатка материалов допускается с письменного разрешения «учреждение «Редакция газеты «Зара над Нёманам».
Назад