![У Лідзе далі афіцыйны старт акцыі “Культурная сталіца Беларусі 2020”](/ru/files/news/image/684/0/1582307725.jpg)
Сімвал акцыі і сертыфікат лідчанам перадала першы намеснік міністра культуры Наталля Карчэўская. Прыняў яго старшыня Лідскага райвыканкама Сяргей Ложачнік. Урачыстая цырымонія і вялікі канцэрт з гэтай нагоды прайшлі ў Палацы культуры горада.
![image-21-02-20-04-02-2.jpeg](https://grodnonews.by/upload/medialibrary/807/807fe35102e035adab20b32986deea85.jpeg)
Госці маглі здзейсніць неверагоднае падарожжа “Ўздоўж па Віленскай”. Назву яму даў праект музея – тэатралізаваныя касцюміраваныя экскурсіі па адной са старэйшых вуліц горада, што некалі мела назву Віленская. На ёй – шляпны салон, карчма, рынак. А побач – ужо сучасная Ліда і яе жыхары: музыканты, мастакі, майстры народнай творчасці. Тыя, хто сёння захоўвае і перадае будучым пакаленням традыцыі краю. Да прыкладу, белаўзорыстае ткацтва, выцінанкі, саломапляценне.
![image-21-02-20-04-04-2.jpeg](https://grodnonews.by/upload/medialibrary/8d5/8d58a233f57e9030e5d085878cffef63.jpeg)
![image-21-02-20-04-04-4.jpeg](https://grodnonews.by/upload/medialibrary/854/8543bcada69863add7d7b6bef517148a.jpeg)
![image-21-02-20-04-04-1.jpeg](https://grodnonews.by/upload/medialibrary/71a/71a16a2cfadbf15f754908e9afff131e.jpeg)
![image-21-02-20-04-04-3.jpeg](https://grodnonews.by/upload/medialibrary/2c6/2c6cfd8b9962c34b8560eb0d13815fa5.jpeg)
![image-21-02-20-04-04-7.jpeg](https://grodnonews.by/upload/medialibrary/059/05977b69ec7cf7c1b2a4e07f99987edb.jpeg)
Гэту невялікую экскурсію з задавальненнем здзейснілі шматлікія госці імпрэзы. Таксама яны сталі сведкамі адной значнай падзеі. Днямі Міністэрства сувязі і інфарматызацыі выпусціла ў зварот канверт з арыгінальнай маркай “Ліда – культурная сталіца Беларусі-2020”. На ім – пазнавальныя турыстычныя аб’екты горада. Падчас свята ў Лідзе адбылося памятнае гашэнне маркі спецыяльным штэмпелем. Удзел ва ўрачыстасці ўзялі Наталля Карчэўская, Сяргей Ложачнік і дырэктар Гродзенскага філіяла РУП “Белпошта” Андрэй Анісімаў.
![image-21-02-20-04-02.jpeg](https://grodnonews.by/upload/medialibrary/49a/49a85498405f50aeb74fed9247d4ebb4.jpeg)
Само свята аб’яднала лідчан, іх сяброў з усёй Беларусі, прадстаўнікоў мінулых культурных сталіц, дэлегацыі гарадоў-пабрацімаў.
![image-21-02-20-04-07-2.jpeg](https://grodnonews.by/upload/medialibrary/8e5/8e53080b5d19288586541f4f4a77607d.jpeg)
![image-21-02-20-04-05-3.jpeg](https://grodnonews.by/upload/medialibrary/009/0098492334d2ee2833c49d54b0f11ad7.jpeg)
![image-21-02-20-04-02-8.jpeg](https://grodnonews.by/upload/medialibrary/c61/c61b539b4b0907799ed1d4fb70452030.jpeg)
![image-21-02-20-04-05-6.jpeg](https://grodnonews.by/upload/medialibrary/a13/a13d1769153bffa4f736132193162c4b.jpeg)
Багата іх будзе і сёлета, у тым ліку ў Лідзе. – Яны будуць нефармальнымі, цікавымі, увасобяць лепшыя ідэі вобласці, краіны. Міжнародныя архітэктурныя, мастацкія выстаўкі, новыя творы, тут мы пачуем оперу і пабачым балет. Адным словам, усё самае цікавае будзе сканцэнтравана ў Лідзе.
Ліда невыпадкова атрымала гонар насіць высокае званне культурнай сталіцы. Горад вядомы не толькі сваімі архітэктурнымі помнікамі, але і святамі, праектамі. Пра многія слава разышлася далёка за межы краіны.
![image-21-02-20-04-05-9.jpeg](https://grodnonews.by/upload/medialibrary/e99/e99b3ce8886a09298aa0e783f789eaf7.jpeg)
![image-21-02-20-04-05-7.jpeg](https://grodnonews.by/upload/medialibrary/238/238a46977a4fd06aecfcac3ef5559a7e.jpeg)
У тым, што лідчане зробяць ўсё запланавае на вышэйшым узроўні, упэўнены старшыня Пастаяннай камісіі Савета Рэспублікі Нацыянальнага сходу Рэспублікі Беларусь па адукацыі, навуцы, культуры і сацыяльным развіцці Віктар Лісковіч. Ён зачытаў прывітальны адрас Савета Рэспублікі Нацыянальнага сходу Рэспублікі Беларусь. “Упэўнены, што званне культурнай сталіцы дазволіць вам рэалізаваць розныя праекты, накіраваныя на прэзентацыю культурнай самабытнасці і развіццё беларускай культуры, актывізацыю творчай ініцыятывы і павышэнне турыстычнай прывабнасці рэгіёна. А вашы мэтанакіраванасць, працавітасць зробяць родны край яшчэ больш прыгожым і прымножаць яго багацце”, – гаворыцца ў віншаванні.
![image-21-02-20-04-11-5.jpeg](https://grodnonews.by/upload/medialibrary/c1f/c1f03a104217a55847a177f768b56e14.jpeg)
Вялікі канцэрт у Палацы культуры стаў, бадай, першай асабліва значнай падзеяй у жыцці горада ўжо ў статусе культурнай сталіцы. Увогуле цягам года іх будзе багата: святы, фестывалі, імпрэзы, выстаўкі міжнароднага, рэспубліканскага і рэгіянальнага ўзроўню. Усяго плануецца каля трох тысяч мерапрыемстваў.
– Упэўнены, мы зможам рознабакова раскрыць патэнцыял нашага горада і прыцягнуць да яго ўвагу ў тым ліку замежных гасцей, – сказаў Сяргей Ложачнік. – Спадзяюся, гэта будзе садзейнічаць далейшаму ўмацаванню культурнага супрацоўніцтва і зробіць важны ўнёсак у стварэнне спрыяльнага для развіцця эканамічных і палітычных сувязей сацыяльнага клімату.
Высокую планку будучым святам лідчане задалі падчас святочнага канцэрта, на якім выступілі лепшыя творчыя калектывы і выканаўцы раёна і госці.
![image-21-02-20-04-05-2.jpeg](https://grodnonews.by/upload/medialibrary/224/224d50ef6c8acfe7d4d0be7195dd5dca.jpeg)
![image-21-02-20-04-05-5.jpeg](https://grodnonews.by/upload/medialibrary/cb6/cb688c5c1a00a4a4a3669be54a1a9499.jpeg)
![image-21-02-20-04-05.jpeg](https://grodnonews.by/upload/medialibrary/7a6/7a6d2d1b89b4f6a79122c6fa7e8cc114.jpeg)
Яркім працягам свята стала фаер-шоу ў замку.
![image-21-02-20-04-11-9.jpeg](https://grodnonews.by/upload/medialibrary/dea/deaed142eb110e8052f7da30dd021ba1.jpeg)
![image-21-02-20-04-11-2.jpeg](https://grodnonews.by/upload/medialibrary/275/2759b13f9691a025b21fc40838134809.jpeg)
![image-21-02-20-04-11-11.jpeg](https://grodnonews.by/upload/medialibrary/b57/b573e95ab118035ceecdc5b035239219.jpeg)
![image-21-02-20-04-11-10.jpeg](https://grodnonews.by/upload/medialibrary/5a1/5a1c92ccac54527d2668a2d80aa5c99e.jpeg)
![image-21-02-20-04-11-14.jpeg](https://grodnonews.by/upload/medialibrary/acf/acfd23b0081fc3bb79473591e6f26553.jpeg)
Між іншым сення на свяце ў Лідзе было шмат інтэрактыву. У тым ліку сапраўдная каралеўская цэрэмоніі, якія шмат стагоддзяў таму праходзілі ў замку. Ганаровыя госці "Кульутранй сталіцы Беларусі" пазнаеміліся з экспазіцыяй у башні Лідскага замка, агледзілі галерэі і далучыліся да тэатральнай пастановы.
![image-21-02-20-05-24-1.jpeg](https://grodnonews.by/upload/medialibrary/9c4/9c4e3199ea781727cad7836a3d83eb9f.jpeg)
![IMG_20200221_164937_1.jpg](https://grodnonews.by/upload/medialibrary/e07/e079b4c0ce0eafe15f05543b4703f5ab.jpg)
![IMG_20200221_165734.jpg](https://grodnonews.by/upload/medialibrary/e2b/e2b6355f0c22f9b598838212f796d9a7.jpg)
![IMG_20200221_171230.jpg](https://grodnonews.by/upload/medialibrary/ef6/ef68e28959393355f643c751e5196a9a.jpg)
![IMG_20200221_171043.jpg](https://grodnonews.by/upload/medialibrary/417/417d548606634c07ee2635f72f65d059.jpg)
Яркі старт акцыі ў той жа час і абяцанне не менш яркага і насычанага на культурныя падзеі году. Ліда як культурная сталіца краіны стане месцам правядзення самых розных свят і імпрэз, у тым ліку рэспубліканскага ўзроўню. З бліжэйшых варта назваць фінал нацыянальнага адбору на міжнародныя конкурсы XXIX Славянскага базару. Менавіта ў Лідзе ўпершыню назавуць імёны тых, хто прадставіць Беларусь на XXIX Міжнародным конкурсе выканаўцаў эстраднай песні “Віцебск-2020” і XVIII Міжнародным дзіцячым музычным конкурсе “Віцебск-2020”. Канцэрт пройдзе 14 сакавіка ў Палацы культуры.
![IMG_20200221_165243.jpg](https://grodnonews.by/upload/medialibrary/d3a/d3a329f5d6628901410256300a9782c6.jpg)
19 красавіка талентаў чакаюць на праслухоўванні для папулярнага ва ўсім свеце шоў X-Factor.
У маі Ліда прыме Міжнародны фестываль-конкурс міжкультурнага ўзаемадзеяння імя Станіслава Манюшкі. На ліпень запланаваны рэспубліканскі фестываль нематэрыяльнай спадчыны Беларусі, які пазнаёміць гасцей з нематэрыяльнай гсіторыка-культурнай спадчынай краіны, лепшымі фальклорнымі калектывамі, майстрамі народнай творчасці.
Перепечатка материалов допускается с письменного разрешения «учреждение «Редакция газеты «Зара над Нёманам».
Назад