Наперадзе новы навучальны год з новымі падзеямі, святамі, конкурсамі, спаборніцтвамі, урокамі, алімпіядамі, цікавымі справамі і мерапрыемствамі. Чаго таіцца, усім нам хочацца ў школу да сваіх сяброў, любімых настаўнікаў, бо ў нашай школе мы жывем адзінай дружнай сям’ёй.
У нас вельмі прыгожая школа.Яна падабаецца ўсім, хто яе наведвае. Мы сумуем па ёй у час летніх канікул, але са школай не развітваемся і летам. Мы любім адпачываць на ўтульнай школьнай тэрыторыі, з задавальненнем працуем на прышкольным участку ў час працоўнай практыкі. Усе працуюць з задавальненнем. Прыязджайце да нас у Рагозніцу і на свае вочы пабачыце такую прыгажосць!
Казачны ўтульны двор — гэта яшчэ не ўсё! У нашай школе вучацца таленавітыя вучні і працуюць выдатныя настаўнікі. У гэтым годзе з дванаццаці выпускнікоў сярэдняй школы сямёра паступілі ў вышэйшыя навучальныя ўстановы. Наш выпускны зорны клас закончыў і зорны выпускнік Андрэй Лудзіч, які заняў першае месца на рэспубліканскай алімпіядзе па гісторыі і не здрадзіў сваёй мары: пайшоў вучыцца на гістарычны факультэт. Сярод выпуск-нікоў і Вікторыя Драбышэўская, якая задавала пытанне Прэзідэнту нашай краіны А.Р. Лукашэнку, і Ірына Здановіч, якая не раз станавілася пераможцай раённых і абласных алімпіяд па біялогіі, набрала 72 балы па матэматыцы на цэнтралізаваным тэсціраванні і паступіла ў Беларускі дзяржаўны ўніверсітэт інфарматыкі і радыёэлектронікі на інжынерна-эканамічны факультэт.
Хутка бяжыць час, але не старэе наша школа. На змену выпускнікам прыходзіць новае пакаленне вучняў. А настаўнікам даводзіцца сустракаць, вучыць і зноў развітвацца. І так бясконца…
Актыў гуртка “Юны карэспандэнт” (кіраўнік Г. М. Пярова)
Перепечатка материалов допускается с письменного разрешения «учреждение «Редакция газеты «Зара над Нёманам».
Назад