03 апреля 2020 — 15:01
Патрэбу мець побач з сабой блізкага чалавека, сябра, дарадцу маюць усе людзі. Для школьнікаў гэта асабліва актуальна, бо ў дзіцячым узросце адбываецца ўсвядомленае фарміраванне іх унутранага свету, і яны шукаюць адказы на пытанні: “Хто такі сябар?”, “Што такое дружба?”, “Ці добра быць без сяброў?” І знайсці адказы на гэтыя і іншыя пытанні школьнікам павінен дапамагчы лагер “Дружба” , які арганізаваны ў нашай дзяржаўнай установе “Гудзевіцкая сярэдняя школа” у час вясенніх канікул.
Каб гэта невялікая лагерная змена была цікавай і дасягнула сваіх пастаўленых задач, была састаўлена сетка мерапрыемстваў на кожны дзень.
Пад дэвізам “Ні кроку назад, ні кроку на месцы, і толькі ўперад, і толькі разам!” 31 школьнік уступіў у лагернае жыццё. Ужо першы дзень падарыў дзецям многа незабываемых уражанняў. Былі арганізаваны два атрады “Пралескі” і “Зорачкі”, развучаны дэвізы, аформлены атрадныя вугалкі. А затым гульнявыя праграмы “Няхай шлях будзе добрым” і “Вясёлае перакрыжаванне” спрыялі фарміраванню ў дзяцей ўмення будаваць узаемаадносіны ў працэсе ўзаемадзеяння з акружаючымі, на аснове супрацоўніцтва і ўзаемаразумення, гатоўнасці прымаць іншых людзей, іх погляды і звычкі.
У другі лагерны дзень дзеці праявілі творчыя здольнасці, развівалі фантазію ў конкурсе малюнкаў “Вясна прыйшла”. Пераможцаў няма: усе здольныя і таленавітыя. Віртуальная экскурсія “Абласныя гарады Беларусі”, кіналекторый “Сонннік у кіно”, турнір па шашках былі пазнавальнымі і вясёлымі.
У мэтах умацавання здароўя абавязковай умовай стала правядзенне ранішняй зарадкі і рухомых гульняў.
На належным узроўні і гігіенічнае выхаванне. Мэта – замацаваць гігіенічныя навыкі, паглыбіць веды, атрыманыя ў школе і ў сям’і.
Вось і трэці лагерны дзень таксама прынёс прыемны сюрпрыз дзецям. Займальная праграма “Разам весела гуляць” прымусіла ўсіх без выключэння весяліцца і гуляць. Запомняцца надоўга конкурсы “Можа – не, а можа—так”, “Спрытнякі”, “Мульці-пульці”, “Эстафета”, “Пагуляем, адгадаем!”.
Спадзяюся, што жыццё ў лагеры было незабываемым, насычаным рознымиі мерапрыемствамі, якія далі магчымасць праявіць дзецям свае творчыя, фізічныя і інтэлектуальныя здольнасці.
Марына Батвіноўская,
настаўнік рускай мовы і літаратуры ДУА “Гудзевіцкая сярэдняя школа”
Перепечатка материалов допускается с письменного разрешения «учреждение «Редакция газеты «Зара над Нёманам».
Назад