11 декабря 2025 — 08:32
Гісторыя беларускага народа напоўнена трагічнымі падзеямі, адной з якіх з'яўляецца генацыд.
Вучні Азёркаўскай і Курылавіцкай сярэдніх школ у Міжнародны дзень памяці ахвяр злачынства генацыду, ушанавання іх годнасці і папярэджання гэтага злачынства правялі мітынг-рэквіем, прысвечаны гэтай сумнай даце. 83 гады таму, 17 снежня 1942 года ў в. Шчара падчас карнай аперацыі “Гамбург” адбылася страшная трагедыя: фашысцкія карнікі спалілі вёску і загубілі яе жыхароў. У агні загінула 85 мірных, ні ў чым не павінных людзей. Мітынг сабраў вучняў, кіраўніцтва і педагогаў школ, прадстаўнікоў Курылавіцкага сельскага выканаўчага камітэта ля памятнага знака – Брацкай магілы савецкіх воінаў і ахвяр фашызму. На могілках пахаваны воіны і мірныя жыхары, якія загінулі ў Вялікую Айчынную вайну. Пахаваны чырвонаармейцы, якія загінулі ў ліпені 1944 года пры вызваленні Мастоўскага раёна. Гэта месца болю, які ніколі не зажыве. Падчас правядзення мітынгу вучні яшчэ раз нагадалі аб зверствах, нечалавечай жорсткасці фашыстаў.
У сваім выступленні старшыня Курылавіцкага сельскага выканаўчага камітэта С. В. Каспяровіч адзначыў, што генацыд не мае тэрміну даўнасці. Памяць аб генацыдзе беларускага народа ў гады Вялікай Айчыннай вайны з'яўляецца святой для кожнага беларуса, для будучых пакаленняў. Наша задача заключаецца ў захаванні гістарычнай праўды аб злачынствах нацыстаў і іх памагатых у дачыненні да беларускага народа.
У памяць аб ахвярах генацыду, загінуўшых мірных жыхарах Мастоўшчыны вучні схілілі галовы, усклалі кветкі, запалілі лампадкі. Цёплы агеньчык лампадкі, як сімвал нязгаснай памяці, грэў рукі і сэрцы падлеткаў; чырвоныя гваздзікі, як трагічны сімвал жалобы, увасаблялі боль вайны і мужнасць, з якімі людзі перажылі страшныя, цяжкія дні.
Адно – чытаць, чуць аб якой-небудь падзеі, і зуcім іншае – пабыць на гэтым свяшчэнным месцы, адчуць боль і жах, перажыты жыхарамі. Сённяшнія хлопчыкі і дзяўчынкі, юнакі і дзяўчаты ведаюць, што подзвіг народа бессмяротны, урокі мінулага трэба памятаць, гістарычную праўду, памяць перадаваць з пакалення ў пакаленне.
Таццяна ХАЛЕЦКАЯ,
намеснік дырэктара
па выхаваўчай рабоце
Азёркаўскай сярэдняй
школы
Перепечатка материалов допускается с письменного разрешения «учреждение «Редакция газеты «Зара над Нёманам».
Назад