27 марта 2012 — 10:00
У добры час, хлебароб
Хлебаробам Мастоўшчыны ў гэтым годзе неабходна пасеяць 9801 гектар яравых зерневых і зернебабавых культур. Самы вялікі зерневы клін у “Азяранскім” – больш як 2000 гектараў, па 1700 гектараў – у “Чарлёне” і “Гудзевічах”. Найбольшыя плошчы будут заняты пад ячменем – 2565 гектараў і пшаніцай —1750 гектараў.
Наступіла цяпло, павялічыўся светавы дзень, і ў поле выйшлі хлебаробы. У апошнія гады першымі ў нашым раёне пачынаюць сяўбу сельскія працаўнікі з “Мастаўчанкі”. Сеяць авёс пачынаюць на лёгкіх глебах.
22 сакавіка ў полі недалёка вёскі Ляда працавалі два сеяльныя агрэгаты Іосіфа Іосіфа-віча Бахара і Іосіфа Францавіча Лойкі.За дзень было пасеяна 26 гектараў аўсу.
На наступны дзень, 23 сакавіка, ужо працавалі сеяльныя агрэгаты у сельгаспрадпрыемствах “Дубна”, “Азяранскі” і “Чарлёна”. У суботу сяўбу вялі ва ўсіх гаспадарках раёна.
За некалькі першых дзён сяўбы ў раёне было пасеяна амаль 700 гектараў. Найбольшыя плошчы засеялі ў РУСП “Мастаўчанка” і сельгаскааператыве імя А.Міцкевіча – каля 200 гектараў,130 гектараў у сельгас-прадпрыемстве “Дубна”, у астатніх гаспадарках – у межах 100 гектараў.
У добры шлях, хлебаробы. Няхай садзейнічаюць вам удача і надвор”е!
С. ЗВЯРОВІЧНа здымку: сяўбу вядзе Іосіф Іосіфавіч БАХАР з “Мастаўчанкі”. Фото аўтара
Перепечатка материалов допускается с письменного разрешения «учреждение «Редакция газеты «Зара над Нёманам».
Назад