16 марта 2023 — 16:57
У Дзень Канстытуцыі ў праваслаўных і каталіцкіх храмах Мастоўшчыны прайшла ўсеагульная малітва “Аб міры і стваральнай працы ў Рэспубліцы Беларусь”.
Мы пабывалі на вячэрняй імшы ў касцёле Маці Божай у Мастах. Богаслужэнне вёў ксёндз Віктар Ханько. Ён прапанаваў памаліцца за шчасце і дабрабыт Айчыны, спакой у грамадстве, захаванне міру паміж славянскімі народамі.
Да вернікаў ён звярнуўся па-беларуску:
- Сёння наша дзяржава святкуе Дзень Канстытуцыі, – сказаў ксёндз Віктар. – Мы просім Божай ласкі для народа Беларусі, а таксама народаў Расіі і Украіны, каб у грамадстве былі згода і лад, людзі жылі ў шчасці і дабрабыце. Ёсць, напэўна, Божая воля і вялікі сімвал у тым, што калісьці Вялікая Айчынная вайна закончылася 9 мая 1945 года – у дзень праваслаўнага Вялікадня. Людзі тады святкавалі Дзень Перамогі і свята Вялікдзень. Мы просім Бога, каб у гэтым годзе таксама пасля заканчэння паста святкавалі Вялікдзень, маючы спакой у душы, у задзіночанні і дабрабыце, каб ён дапамагаў тым, хто кіруе нашай краінай.
Пасля заканчэння імшы прыхаджане павіншавалі ксяндза Віктара Ханько з 40-годдзем.
- Мы вельмі ўдзячны Богу, што ў нас служыць святар, які вучыць быць сапраўднымі хрысціянамі, шчыры ў малітве і працы і гатовы заўсёды прыйсці на дапамогу, – гаварылі яны і выказалі падзяку за павучальныя казанні, дабрыню, цярплівасць, сціпласць і клопат пра людзей.
Станіслаў Звяровіч
Фото аўтара
Перепечатка материалов допускается с письменного разрешения «учреждение «Редакция газеты «Зара над Нёманам».
Назад