Мастоўскі цэнтр рамёстваў запрашае на выстаўку “Цёплая тэкстыльная казка”

Трыццатага лістапада ў 17 гадзін  у выставачнай зале Мастоўскага   раённага цэнтра рамёстваў адбудзецца адкрыццё выстаўкі вязаных  і валеных  вырабаў з лёну і воўны “Цёплая тэкстыльная казка”. Выстаўка працягнецца да дваццаць другога снежня.

Вязаныя кручком вырабы з лёну: сурвэткі, сумкі,  шалікі, шапкі, паланціны, цацкі  і сувеніры на навагоднюю і калядную тэматыку  прадаставіла на выстаўку член Беларускага саюза майстроў народнай творчасці з Гомеля Алена Уладзіміраўна Аксёнава.

   Майстар з Гродна  Кацярына Анатольеўна Невгень, член  саюза майстроў Гродзеншчыны  “Гарадзенскі каларыт”, прадаставіла на выстаўку валеныя  рэчы з воўны, сярод якіх і аўтарскія інтэр’ерныя лялькі. Кацярына Анатольеўна абяцала  для жадаючых правесці ў час адкрыцця выстаўкі  майстар­клас па валенню з воўны.

Рэчы, якія  спадабаюцца, можна будзе пазней набыць для сябе.

 Я. ЦЕСЛЮКЕВІЧ

Перепечатка материалов допускается с письменного разрешения «учреждение «Редакция газеты «Зара над Нёманам».