13 мая 2019 — 08:42
Канцэрт калектыву аматарскай творчасці «Лейся, песня!» у в. Задвор’е
Напярэдадні вялікага і слаўнага свята Перамогі ўдзельнікі мастацкай самадзейнасці Курылавіцкага цэнтра вольнага часу і культуры наведалі з канцэртам вёску Задвор’е.
Жыхары вёскі памятаюць і цэняць слаўнае мінулае сваіх дзедаў і прадзедаў. Задвор’е – вёска-партызанка, вёска-пакутніца. У гады вайны вёска Задвор’е і суседнія вёскі Пясчанка і Баяры былі спалены, а жыхары расстраляны гітлераўцамі. Як напамін аб гэтых падзеях у канцы вёскі стаіць велічны помнік.
У гэтым годзе вёска Задвор’е разам са ўсёй Беларуссю будзе адзначаць 75-годдзе вызвалення ад нямецка-фашысцкіх захопнікаў. І ў гэтыя слаўныя майскія дні свой юбілей і дзень нараджэння адзначаюць і жыхары вёскі Новік Васіль Георгіевіч і Цярэшка Соф’я Іванаўна. Для юбіляраў і ўсіх прысутных прагучалі любімыя ўсімі песні: “Смуглянка”, “Ты ждешь, Лизавета”, “Казаки”, “Деревенька”, “Позвоните домой”, “Домик у дороги”, “Бераг белых буслоў”, якія выконвалі ўдзельнікі мастацкай самадзейнасці Астапук Мікалай, Войцік Вера, Рахунак Мікалай, Барташ Уладзімір. А завяршыўся канцэрт пераможным майскім вальсам, на які запрасілі ўсіх прысутных жыхароў і гасцей в. Задвор’е.
Загадчык філіяла
“Курылавіцкі цэнтр вольнага часу і культуры” Г.Р.Саўчук
Перепечатка материалов допускается с письменного разрешения «учреждение «Редакция газеты «Зара над Нёманам».
Назад