04 декабря 2023 — 13:54
Снежань – самы чароўны час! Ужо адчуваецца дыханне Новага года, усе рыхтуюцца і чакаюць свята, асабліва дзеці.
І мы чакаем вас у Гудзевіцкім літаратурна-краязнаўчым музеі, каб усім разам акунуцца ў атмасферу чараўніцтва, цудаў і весялосці.
Гудзевіцкі музей падрыхтаваў новую зiмовую забаўляльную праграму «Гудзевіцкая хата Дзеда Мароза». Гэта дзейства, у якім удзельнікі павінны прадэманстраваць хуткасць рэакцыі, нестандартнае мысленне і пачуццё гумару. Гэта цёплая атмасфера, яркія эмоцыі і час, праведзены сярод сяброў.
Вас чакаюць персанажы беларускай міфалогіі, пачастункі, гульні, конкурсы, жарты і весялосць!
Самае галоўнае – вязіце з сабой добры настрой, цёплы абутак і рукавіцы.
Перепечатка материалов допускается с письменного разрешения «учреждение «Редакция газеты «Зара над Нёманам».
Назад