Феерыя займальных мерапрыемстваў у школьным лагеры “ФІФ”

Зімовыя канікулы – казачная пара. Кожнае дзіця марыць правесці іх весела і атрымаць масу эмоцый. Такую магчымасць прадаставіла выхаваўча-аздараўленчая ўстанова лагер “ФІФ” на базе ДУА “Рагозніцкая сярэдняя школа”, у якім панавала навагодне-святочная, прыўзнятая атмасфера дружбы і даверу, якая ўмацоўвала паразуменне паміж выхаванцамі розных узроставых катэгорый, аб’яднаных у 1 атрад: хуткіх, геніяльных, крэатыўных, вясёлых дзяцей.

Мерапрыемствы, якія былі праведзены, адказвалі інтарэсам дзяцей, дазвалялі праявіць творчасць, самастойнасць, спрыялі задавальненню патрэбаў ў самасцвярджэнні асобы. Асаблівая ўвага надавалася патрыятычнаму, маральнаму, эстэтычнаму, экалагічнаму, фізкультурна-аздараўленчаму выхаванню.

Школьны лагер сабраў па-сапраўднаму творчых дзяцей, якія з цікавасцю прынялі ўдзел у канцэртнай праграме, конкурсах, віктарынах, спартыўных спаборніцтвах, інфармацыйных хвілінках бяспекі, творчай майстэрні, віртуальным круізе, прававым уроку, танцавальным марафоне, аздараўленчых прагулках; наведалі навагодні ранішнік-казку “Выхадкі падступнай Зларады»; музейны квэст “Гісторыя аднаго экспаната” (экскурсія ў школьны музей “Гісторыя нашага краю”); здзейснілі экскурсію да навагодняй елкі каля палаца Майштэвіча. Разам з забаўляльнымі і пазнавальнымі мерапрыемствамі ў лагеры праводзіліся гутаркі па навучанні правілам паводзін у зімовы перыяд паблізу вадаёмаў, на горках, катках, лядовых пляцоўках, прафілактыцы шкодных звычак, прафілактыцы вірусных і прастудных захворванняў. Завяршэннем работы школьнага лагера “ФІФ” стала развітальная размова “#Лайкі ад снегавіка”.

Зімовыя канікулы ў школьным лагеры “ФІФ” – гэта феерыя займальных мерапрыемстваў, якія дазволілі разнастаіць вольны час выхаванцаў у рамках зімовага аздараўлення. Кожны змог знайсці занятак па душы. За актыўны ўдзел у рабоце лагера выхаванцы былі ўзнагароджаны граматамі і заахвочвальнымі прызамі.

 Мамовіч Алена Антонаўна,

 дырэктар лагера “ФІФ”

Перепечатка материалов допускается с письменного разрешения «учреждение «Редакция газеты «Зара над Нёманам».