29 августа 2025 — 08:46
У чым сакрэт паспяховасці вучня сельскай школы? Адказ прагучаў падчас раённай педагагічнай нарады ад дырэктара Азёркаўскай сярэдняй школы Валянціны Мармыш.
– Нашы вучні канкурэнтаздольныя на адукацыйнай прасторы, – пераканана Валянціна Аляксандраўна. – Пачынаючы з пачатковай школы акцэнт ставіцца на ўключэнне вучняў у даследчую і праектную дзейнасць, якая накіравана на павышэнне якасці адукацыі. Дзейнічае аб’яднанне “Краіна цудаў – краіна даследаванняў”.
На другой ступені навучання працуе клуб “Дзіўнае побач”, дзе вучні маюць магчымасць удзельнічаць у распрацоўцы і рэалізацыі праектаў пад чулым кіраўніцтвам вопытных педагогаў. Дзякуючы сумеснай рабоце з бацькоўскай грамадскасцю, мы не раз прымалі ўдзел у праекце Нацыянальнага дзіцячага тэхнапарка “Навуковыя выхадныя”.
На трэцяй ступені арганізавана профільнае навучанне з вывучэннем на павышаным узроўні профільных прадметаў хімія і біялогія, адкрыты клас аграрнай накіраванасці.
Дзейнасць аграрных класаў у школе – гэта сістэмная работа, якая распачалася ў 2020 годзе. І як вынік – 75% выпускнікоў мінулага года паступілі на аграрныя спецыяльнасці ў вышэйшыя навучальныя ўстановы.
Уключэнне вучняў ў даследча-праектную дзейнасць з пачатковых класаў дазваляе паспяхова праходзіць адбор у Нацыянальны дзіцячы тэхнапарк. За мінулы навучальны год там прайшлі навучанне чатыры нашы вучні. Па выніках упартай працы наша выпускніца Елізавета Боцька атрымала рэкамендыцыі Назіральнага савета тэхнапарка. Гэта дазволіла дзяўчыне паступіць у Беларускі дзяржаўны тэхналагічны ўніверсітэт без уступных экзаменаў.
Так крок за крокам, сумеснымі намаганнямі вучняў, педагогаў і бацькоў можна наблізіцца да сваёй мэты, мары і поспеху і ўвасобіць у рэальнасць самыя смелыя планы.
Наталья ШЕВЧИК
Фото автора
Перепечатка материалов допускается с письменного разрешения «учреждение «Редакция газеты «Зара над Нёманам».
Назад