26 апреля 2011 — 10:00
Сёлета дваццаць другога чэрвеня спаўняецца 70 гадоў з пачатку Вялікай Айчыннай вайны. Гераічныя і трагічныя падзеі далёкіх дзён не пакідаюць раўнадушнымі і тых, хто пра вайну ведае толькі па кадрах старых кінахронік і расказах дзедаў і прадзедаў. Пачуццё патрыятызму ўласціва і сённяшняму маладому пакаленню. Старшакласнікі амаль усіх школ раёна пад кіраўніцтвам настаўнікаў гісторыі прынялі актыўны ўдзел у віктарыне “1941 год: трагедыя, гераізм, памяць…»
Кампетэнтнае журы на чале са старшынёй раённага савета ветэранаў М. А. Паплаўскім падвяло вынікі раённага этапу віктарыны. Першае месца падзялілі вучаніцы Лунненскай школы Анастасія Раманоўская і Гу-дзевіцкай гімназіі Наталля Гайдзель.
На другім месцы -- калектыўныя работы вучняў другой гарадской школы Настассі Васюк, Алены Новік, Алега Трэймака і вучняў Дубненскай школы Дар’і Кандратовіч, Таццяны Жук. Трэцяе месца дасталося вучням Рагозніцкай школы Ірыне Здановіч і Курылавіцкай школы Аляксею Гайдашу.
Лепшыя работы будуць удзельнічаць у абласным этапе віктарыны.
Я. ЦЕСЛЮКЕВІЧ
На здымках: члены журы М. А. ПАПЛАЎСКІ, І. М. ПАНОК, В. І. БАКЛАНСКІ, Л. П. ВЕБЕР і Ю. В. БУБЕН (злева направа) за падвядзеннем вынікаў віктарыны.
Фота С. ЗВЯРОВІЧА
Перепечатка материалов допускается с письменного разрешения «учреждение «Редакция газеты «Зара над Нёманам».
Назад