У пошуках добрага настрою і пазітыўных эмоцый – на лыжню выйшлі педагогі Мілявіцкага д/с-СШ

Нявольна ўспамінаюцца радкі вядомай песні, калі назіраеш за надвор’ем, якім парадавала нас зіма ў гэтым годзе: пушысты снег, вялікія сумёты, казачныя дрэвы. Усё гэта проста вымушае чалавека больш часу праводзіць на свежым паветры.

Асабліва актуальна гэта ў канцы рабочага тыдня, калі кожнаму з нас патрэбен адпачынак. У пошуках добрага настрою і пазітыўных эмоцый педагогі ДУА “Мілявіцкі вучэбна-педагагічны комплекс дзіцячы сад – сярэдняя школа” пераапрануліся ў спартыўную форму і выйшлі на лыжню, што пракладзена на школьным стадыёне. Пад кіраўніцтвам настаўніка фізічнай культуры і здароўя Я.В. Яўсейчыка кожны з нас на некаторы час вярнуўся на шмат год назад, успомніў сваё дзяцінства, школьныя гады, урокі лыжнай падрыхтоўкі (якія, трэба адзначыць, прайшлі недарэмна).

Гучалі жарты і смех, а вясёлыя твары калег і задаволеныя ўсмешкі сведчылі аб тым, што мерапрыемства ўдалося!

Людміла  Кіслая,

 дырэктар  ДУА “Мілявіцкі вучэбна-педагагічны комплекс

дзіцячы сад – сярэдняя школа”

Перепечатка материалов допускается с письменного разрешения «учреждение «Редакция газеты «Зара над Нёманам».