03 августа 2015 — 10:00
Сваю адказнасць у вялікай справе ўборкі ўраджаю добра разумеюць камбайнеры, вадзіцелі і машыністы сушыльных агрэгатаў Мастоўшчыны. Ёсць ужо сярод іх і перадавікі.
Сярод камбайнераў, што працуюць на «КЗС-1218», лідарскія пазіцыі займае Іван Іванавіч Валюшка з за-крытага акцыянернага таварыства «Гудзевічы». На яго рахунку -- 600 тон зерня разам з рапсам.
Магутны «Лексіён-780» пад кіраўніцтвам вопытнага механізатара Пятра Мікалаевіча Масквянкова з сельгаскааператыва імя Адама Міцкевіча таксама ў лідарах жніва. Па дадзеных райсельгасхарчу на раніцу 30 ліпеня, ім была намалочана 591 тона зерня новага ўраджаю.
Добрыя намалоты забяспечвае і Валерый Уладзіміравіч Строк з адкрытага акцыянернага таварыства «Чарлёна», які працуе на «Лексіёне-760». Ён убіраў рапс, а зараз -- ячмень і другія культуры. Папярэдні вынік яго работы -- 668 тон.
На палетках філіяла «Дубна» шчыруе «Нью-Холанд», якім кіруе Дзмітрый Віктаравіч Балабанаў.Акрамя камбайнераў, сваю працоўную вахту на хлебнай ніве добрасумленна нясуць і вадзіцелі, што адвозяць зерне. Тут у ліку перадавікоў -- Валерый Адольфавіч Лукойка з адкрытага акцыянернага таварыства «Чарлёна», Валянцін Фёдаравіч Трафімчык з філіяла «Дубна» і Валерый Генрыкавіч Саўко з закрытага акцыянернага таварыства «Гудзевічы».
Лепшыя паказчыкі на сушыльных агрэгатах на да-дзеным этапе ўборкі забяспечваюць Валерый Кузьміч Палавеня і Аляксандр Генадзьевіч Сапожнікаў з ЗАТ «Гудзевічы», Павел Іосіфавіч Варанюк і Мар”ян Вацлававіч Вялічка з філіяла «Дубна».
Н. СВЯТЛОВА
Перепечатка материалов допускается с письменного разрешения «учреждение «Редакция газеты «Зара над Нёманам».
Назад