01 июля 2020 — 14:33
За здароўем і загадкавым жыццём, каб з карысцю правесці летнія канікулы, 15 хлопчыкаў і дзяўчынак адправіліся ў выхаваўча-аздараўленчую ўстанову “Лагер працы і адпачынку “К.Р.У.Т.О.” з дзённым знаходжаннем дзяцей на базе ДУА “Гудзевіцкая сярэдняя школа”.
Лагер працы і адпачынку – адна з форм арганізацыі працоўнага выхавання падлеткаў, якая дапамагае правесці летнія канікулы прыемна і з карысцю. Сёлета хлопчыкі і дзяўчынкі з ахвотай працуюць на палетках ЗАТ “Гудзевічы”. Такая форма актыўнага адпачынку садзейнічае развіццю і згуртаванню дзіцячага калектыву, падрыхтуе навучэнцаў да актыўнай працоўнай дзейнасці.
На працягу ўсёй змены выхаванцы лагера ўцягнуты ў калейдаскоп розных падзей. Кожны наступны дзень не падобны на папярэдні і напоўнены новымі ўражаннямі.
Вялікую цікавасць у дзяцей выклікалі такія мерапрыемствы, як марафон “Вясёлка прафесій”, онлайн-падарожжа “Фінансавая граматнасць”, квэст-гульня “Нязведаныя сцяжынкі”, аўкцыён ведаў “Гісторыя роднага краю”, конкурсная праграма “Лета і кніга”, віртуальнае падарожжа “Нацыянальны парк “Браслаўскія азёры”, сітуацыйна-прававы практыкум “Падлеткі і наркотыкі” і шмат іншых мерапрыемстваў.
У Дзень усенароднай памяці ахвяр Вялікай Айчыннай вайны выхаванцы лагера прынялі ўдзел у аперацыі “Помнік распавядае” (у рамках акцыі “Малая радзіма: эстафета карысных спраў”).
Акрамя працоўнай дзейнасці і ўдзелу ў мерапрыемствах, дзеці прымаюць актыўны ўдзел у конкурсах. І ўжо ёсць добрыя вынікі. I месца ў раённым фотаконкурсе “Наш атрадны вугалок”.
Для кожнага выхаванца лагер адкрыў свій пазітыў: хтосьці знайшоў новых сяброў, хтосьці адкрыў у сабе новыя творчыя здольнасці, хтосьці даведаўся, што працаваць гэта цікава. Супрацоўнікі выхаваўча-аздараўленчай установы ўпэўнены, што лагер працы і адпачынку для дзяцей стаў карыснай, вясёлай і запамінальнай падзеяй у іх жыцці.
Наталля Бяйдук,
дырэктар выхаваўча-аздараўленчай
установы “Лагер працы і адпачынку
“К.Р.У.Т.О.” з дзённым знаходжаннем
дзяцей
Перепечатка материалов допускается с письменного разрешения «учреждение «Редакция газеты «Зара над Нёманам».
Назад